Berckwerck Buch

darinn nicht allain alle Empter, Instrument, Gezeug, vnd alles, so zu diesem Handel gehörig, mit figuren vorgebildet, vnd Klärlich beschriben. Sondern auch, wie ein rechtverstendiger Berckmann seyn sol, vnd die Gäng ausszurichten seyen. Item, von allerley Gängen, Klüfften, vnd absetzen dess Gesteins. Von den Massen, vom Marscheyden, Dessgleichen wie ein Gäng zu hauwen, wie alle Schacht zu sencken vnd auffzurichten seyen. Von den Stollen, Fellorten, Radstuben, vnd andern Gebeuwen. Von allerley Trögen, wassergeheussen, wasserkünst, Pompen, vnd Riñen, u. Vom bösen Wetter vñ andern sorglichen zufellen, so den Berckheuwern widerfehrt. Vom probieren, vnd was sonst darzu von nöhten. Wie man das Ertz bereiten, klauben, buchen, rösten, quätschen, rädern, wäschen, im Röstofen brennen, vnd allerley Ertz mit nutz schmeltzen soll. Wie das Golt vom Silber, vnd das Silber vom Golt, Item das Kupffer vom Golt, vnd das Bley vom Golt vnd Silber, zu scheyden sey, vnd wie die zwey köstlichen Metall mit nutz sollen gebrannt werden. Auch wie das Silber vom Kupffer vnd vom Eysen zu seygern sey. Letstlich von allerley harten Säfften, die auss wassern vnd flüssigen Säfften, oder vermischten steinen, gemacht werden. Vnd wie endtlich das Saltz zu sieden, vnd Glass zu machen sey